Për mua, biznesi dhe jeta ndërtohen mbi të njëjtat themele. Këto janë parimet me të cilat punoj çdo ditë.
Dua që çdo projekt që zhvillojmë të jetë i sigurt, me standarde ndërkombëtare dhe me vlerë reale për ata që na besojnë. Dhe dua që njohuritë që kam fituar të shërbejnë për shqiptarët kudo që ndodhen — sepse teksa i ndaj, mësoj edhe vetë.
Jeta ka të bëjë me të dhënit, jo me të marrët.
Ky është moto që drejton jetën time. Në një event të Tony Robbins kërkova brenda vetes pyetjen time kryesore dhe e gjeta: si mund të jem edhe më i mirë dhe më i dobishëm për veten dhe për të tjerët, pikërisht tani? Prej atëherë, çdo projekt dhe çdo bisedë e nis nga kjo pyetje.
Secili prej nesh ka potencial, por të gjithë bashkë mund të bëjmë shumë.
Nuk pres që ndryshimi të vijë nga dikush tjetër. Si sipërmarrës, kam përgjegjësi të krijoj vende pune, të ndërtoj me cilësi dhe të jap ide konkrete për ekonominë — me realizëm, sepse ne nuk jemi as Gjermani, as Amerikë, por kemi rrugën tonë.
Me sigurinë nuk duhet ceduar fare.
Investitorët dhe ndërtuesit duhet ta njohin mirë çdo material që përdorin. Siguria e njerëzve që do të jetojnë në ndërtesat tona është prioriteti i parë — para afateve, para kostove, para çdo gjëje.
Duhet të mendojmë globalisht dhe të jemi konkurrues në tregun global.
Biznesi nuk është një fushë me lule. Për të fituar, duhet të matemi me standardet më të mira ndërkombëtare — prandaj punojmë me marka globale dhe synojmë ta lidhim Durrësin me rrjetin botëror të biznesit.
Sa më shumë të mësosh, aq më shumë fiton.
Edukimi nuk mbaron kur mbaron shkolla. Lexoj, ndjek trajnime dhe ftoj në podcast njerëz nga të cilët kam çfarë të mësoj. Dhe kam zbuluar se mënyra më e mirë për të mësuar është të mësosh të tjerët.
Ta nisim ditën me pozitivitet.
Disiplina në ushqim, lëvizje dhe mendime nuk është luks — është themeli i energjisë që të duhet për të udhëhequr. Kujdesem për trupin dhe mendjen me të njëjtin seriozitet që kujdesem për biznesin.
Kini besim dhe ndiqni ëndrrat tuaja.Eglent Bici
Për investime, partneritete, blerje në Mei Residence apo ftesa për media dhe evente — më shkruani drejtpërdrejt.